جيلي مونجارو نزلت السوق المصري وعملت قلق، وأغلب الناس في التعليقات متفقة إن شكلها فخم وشيك جداً. واحد كتب إنه مش متخيل حد يسيبها ويجيب توسان أو سبورتاج بنفس السعر، وواحد تاني قال إن شكلها المحافظ وليه وقار ده ميزة قوية ويشجع أي حد معاه SUV أوروبي يغير ليها. في ناس كمان شايفة إن جيلي فئة أرقى من غيرها من الصيني، وإنها شكل وجودة أوروبي بسعر وكماليات صيني، وواحد أكد إن تسارعها ممتاز.
بس على النت كمان في ناس زعلانة من السعر المبالغ فيه، وواحد قال إنه كان ناوي يشتريها بس صرف نظر لأن الوكيل شايل كماليات كتير. وفي كمان قلق من قطع الغيار وإعادة البيع.
الخلاصة: عربية عاجبت الناس بشكلها وأدائها، بس السعر والوكيل هما اللي محتاجين وقفة.
شارك:
